"ISLAM TEH AGAMA ANU PANGLUHURNA, MOAL AYA AGAMA ANU BISA NGALUHURAN AGAMA ISLAM" pangna Islam Agama nu pangluhurna sabab teu aya agama anu bisa mapakan kana sareatna, malah teu aya deui agama anu dipikarido ku Alloh kajaba agama islam, sakumaha dawuhan Alloh dina surat Ali imron ayat 19 anu pihartoseunana "saenyana Agama anu dipikarido mungguh Alloh nyaeta agama Islam ". Ngan moal katara luhurna Islam kajaba umat Islam anu ngagenggem eta Agama kudu ngajiwakeun 4 perkara, diantawisna : 1. Kudu ngajiwakeun mu'alim jeung mu'taalim, sakabeh umat Islam kudu jadi pangajar atawa anu diajar alias kudu daek ngaji atawa ngajar, sakumaha pidawuh rosul anu hartosna " eusi alam dunya teh 2 kahiji anu ngajar jeung anu diajar, salian ti eta ngarana laleur hejo" Jalma anu ngaji ngan saukur ngaji barei teu hayang bisa geus bisa teu hayang ngamanpaatkeun ngan saukur elmu dipake kusorangan, anukieu bisa jadi muslim nu sampurna, ngan can bisa kana kaluhuran agama Islam. Loba keneh umat islam anu diajar boh elmu sakola atawa agama tapi tara ngagunakeun hasil kanyahona, diajarteh samet pangalaman ari kanyaho jeung kalakuan jauh tina ajaran. leuheung lamun teu ngamalkeun matematika umpamana tapi lamun geus teu ngamalkeun kana sholat, tara puasa , tara zakat, tara tatakrama ka indung bapa, teu ngahormat papada manusa, goreng ka tatangga, teu jujur jeung nipu batur, ngalajur napsu nuturkeun setan, nukieu ka asup ngancurkeun agama. kudu ngahargaan kana elmu ajaran agama ulah nganggap kuno jeung tinggaleun jaman kajalma anu diajar jeung ngamalkeunana. 2. Kudu ngajiwakeun mutaqin. kudu panasaran hate mun can bisa taqwa, kudu panasaran lamun diri can bisa ngalaksanakeun tugas jeung parentah Alloh kalawan sampurna, lain sakadar prak lain sakadar dilakonan tapi kudu dibarengan jeung hate nu ikhlas, oge ieu kataqwaan teh lain ukur keur diri pribadi minimal kudu bisa nepakeun ka anak pamajikan kapan Alloh ngadawun dina surat at-tahrim ayat : 6 anu pihartoseunana "hei jalma² anu iman aranjeun kudu ngariksa diri sorangan jeung kulawarga tina seuneu naraka".
anajan jalma tukang ibadah tukang ngawuruk malah resep pidato kaditu kadieu ngajak batur sina iman jeung Islam tapi ari anak pamajikana tara di tiung² acan mah eta jalma kaleungitan jiwa mutaqin, can kaasup jalma nu taqwa. sabab samemeh dakwah kabatur kudu diri jeung kulawarga dibebener dina masalah agama. lamun kulawarga can bener caritaan jeung ajakan diri moal neurak ka batur. 3.Kudu ngajiwakeun mukhsinin, diri kudu jadi jalma nu alus kudu panasaran lamun can jadi mukhsinin, kabeh jalma ge hayang alus, tapi kudu ngajiwa, bedana kahayang jeung panasaran mun hayang mah ukur kereteg hate bari teu prak, ari panasaran mah lamun can kapanggih atawa can kahontal mah terus diteangan. dina ibadah , pilih ibadah nu pangalusna mun ngadu'a pilih nu pang khusu na, bacaan pilih nu pangalusna, ari bacaaan pangalusna nyaeta maca Qur'an. 4. Kudu ngajiwa mudjahidin, hartina boga jiwa hayang ngamajukeun Islam, boga jiwa hayang ngamasarakatkeun Agama, hayang ngaagamakeun masyarakat, kudu panasaran lamun baraya jeung tatangga can bener dina nyekel agama na. dimana jiwa anu 4 ieu dilaksanakeun ku sakabeh umat muslimin pasti bakal katinggali luhurna Islam. (di candak tina Mutiara Hikmah PONPES MIFTAHUL HUDA Jilid II. )
